မငိုပါနဲ့ ဧရာဝတီ


သူတို့ဟာ… ကမ္ဘာပေါ်မှာ တတိယအရှည်ဆုံးနဲ့ အာရှမှာ အရှည်ဆုံးမြစ်ဖြစ်တဲ့ ယန်စီ ဆိုတဲ့မြစ်ကြီးကို ပိုင်ဆိုင်ထားခဲ့တယ်။ အဲသလို ရှည်လျားလှပတဲ့ ကမ္ဘာ့အံ့ဖွယ် ယန်စီမြစ်ကြီးဟာဆိုရင် ယဉ်ကျေးမှုတွေ အမျိုးမျိုးကို တည်ဆောက်ခဲ့တဲ့ မြစ်ကြီးတစ်စင်း ဖြစ်တယ်။ သူတို့ဟာ… အဲဒီမြစ်ကြီးကို တိမ်ကော၊ ပျက်စီး၊ ပတ်ဝန်းကျင်သဘာဝတရားကြီးတစ်ခုလုံးကို မှောက်လှန်ဖျက်ဆီးလိုက်ခြင်းအားဖြင့် လူတွေသာမက ကျွဲနွားတိရစ္ဆာန်တွေပါ ဒုက္ခရောက်စေခဲ့တယ်။ အခုဆိုရင်.. ယန်စီမြစ်ကြီးဟာ.. ပျောက်ကွယ်သွားတော့မယ့် ကမ္ဘာ့အထင်ရှားဆုံး သဘာဝသယံဇာတ ၁၀ ခုထဲမှာ တစ်ခုပါနေပြီ။ နောက်နှစ်အနည်းငယ်မှာ.. ယန်စီဆိုတာ တရုတ်လူမျိုးတွေရဲ့ ဒဏ္ဍာရီနဂါးကြီးတွေလို.. ရှေးဟောင်းစာပေ ကျမ်းဂန်တွေထဲမှာပဲ ရှင်သန်အသက်ဝင် လှုပ်ရှားတော့မယ်ထင်ရဲ့။

ဒီမြစ်ကြီးတင်လား ဆိုတော့ မဟုတ်သေးဘူး၊ သူတို့ပိုင်ဆိုင်တဲ့ အခြား အခရာမြစ်ကြီး ခုနှစ်စင်းဖြစ်တဲ့ အ၀ါရောင်မြစ်(Yellow River)၊ ပုလဲမြစ် ( Pearl River),  Songhua River, Huai River, Hai River နဲ့ Liao River တွေကိုလည်း ဖျက်ဆီးပစ်ခဲ့တယ်။  ဖျက်ဆီးခံရတဲ့ မြစ်တွေကြောင့် သူတို့တိုင်းပြည်အနှံ့မှာ မိုးခေါင်ရေရှား ရပ်ဝန်းတွေ ပေါ်တယ်၊ ရေတွေကြီးတယ်၊ လူတွေသာမက တိရစ္ဆာန်တွေပါ ဒုက္ခအမျိုးမျိုးရောက်နေတယ်။

ခြောက်သွေ့နေတဲ့ မြစ်ကမ်းပါးတွေပေါ်မှာ ငုတ်တုပ် အသက်ပျောက်ကြရတဲ့ တိရစ္ဆာန်တွေ

ရေမလွှတ်တာကြာတဲ့ မြစ်တွေဟာ ကျဉ်းသွားတယ်၊ တိမ်သွားတတ်တယ်။ နေရောင်အောက်မှာ အရှင်လတ်လတ် အကြာကြီးနေဖုတ် ခံရတဲ့ ကမ်းပါးတွေဟာ မာခဲသွားတော့တယ်။ အဲသလို မာခဲသွားတဲ့အတွက်… ရေလွှတ်တဲ့အခါ မိုးရွာတဲ့အခါတွေမှာ.. ကမ်းပါးမြေဟာ ရေကိုမစုပ်နိုင်တော့ဘူး။ ရေကို မစုပ် နိုင်တဲ့အတွက် မြစ်တွေရေလျှံတယ်။ လူတွေ ဒုက္ခရောက်ကြတယ်။ မြစ်ရေလျှံခြင်း၊ မြစ်ရေခမ်းခြောက်ခြင်း စတဲ့ ဘေးထွက်ဆိုးကျိုးတွေ ခံစားရလို့… သူတို့လူတွေ ဒုက္ခရောက်တဲ့အခါမှာ..  အနည်းငယ်အမြင်မှန် ရသယောင်ဖြစ်လာတယ်။ ယန်စီမြစ်ကို အသက်ပြန်သွင်းဖို့ အစွမ်းကုန် ကြိုးစားတယ်။

ဒါပေမယ့် ….

ဒါပေမယ့် …… အချိန် မမှီတော့ဘူး။

ယန်စီဟာ ကွန်မြူနစ်ပါတီရဲ့ တရုတ်ပြည်ကို စီးပွားရေးမြှင့်တင်လိုမှုလုပ်ရပ်ဖြစ်တဲ့ မီတာ ၂၅၀၀ကျော်ရှည်တဲ့ ရေကာတာကြီးကြောင့်၊ အရှင်လတ်လတ် သွေးကြောဖောက်၊ သွေးစုတ်ခံနေရရင်း ခြေတော်အတင်ခံနေခဲ့ရတယ်။ ယန်ဆီရေကာတာကြောင့် ခဏတာ အကျိုးအမြတ်ရခဲ့ပေမယ့် နောက်ပိုင်း ဒုက္ခလှလှတွေ့တဲ့ အခါမှာ ဘီလျှံပေါင်း ၂.၃ ဘီလျှံ ဆုံးရှုံးခဲ့တယ်။ လူပေါင်း လေးသန်းကျော်၊ ကျွဲနွားကောင်ရေ ၂သန်းနီးပါးနဲ့ လယ်မြေအေက ၉ သန်းကျော် ဒုက္ခအကြီးအကျယ် ရောက်ခဲ့ပါတယ်။ ယန်စီရေကာတာကြီးရဲ့ သက်တမ်းဟာ အနှစ်တစ်ရာကနေ သုံးရာလို့ ခန့်မှန်းထားတယ်။ ယန်စီရေကာတာ သက်တမ်းကုန်ဆုံးသွားမယ့်နေမှာ…  ယန်စီမြစ်ဟာလည်း တစ်ပါတည်း အစတေးခံရမှာ ဖြစ်ပါတယ်။ ယန်စီမြစ်တစ်လျှောက်က biodiversity တစ်ခုလုံးလည်း ပျောက်ဆုံးသွားတော့မှာ ဖြစ်ပါတယ်။

ဆန့်ငင်ဆန့်ငင်နဲ့ အသက်ငင်နေခဲ့ပြီး နောက်ဆုံးတော့ ဇီဝိန်ချုပ်ငြိမ်းသွားပြီဖြစ်တဲ့ ရှန်ဆီနယ်မြေထဲက လန်မြစ်

သူတို့တွေဟာ concrete junk တွေဖြစ်တဲ့ မိုးမျှော်တိုက်ကြီးတွေ၊ လမ်းမကြီးတွေဟာ တိုးတက်တဲ့ အရိပ်အရောင်တွေအဖြစ်နဲ့ ကျေနပ်နေကြတယ်။ သဘာဝတရားရဲ့ အလှအပတွေကိုတော့ မတိုးတက်ခြင်းနဲ့ တောဆန်ခြင်းလို့ လွဲမှားစွာ (ဒါမှမဟုတ်) သိသိနဲ့ ခေါင်းမာစွာ.. ယူဆနေကြတယ်။ ကမ္ဘာတစ်ဝှမ်းမှာရှိတဲ့ တိုင်းပြည်ထဲမှာ ရေကာတာအများဆုံးတိုင်းပြည်အဖြစ်နဲ့ ကိုယ့်မျက်နှာက မျက်လုံးကို ဖောက်ထုတ်နေတဲ့ တိုင်းပြည်ဖြစ်နေပြီလို့ ၀ိုင်းသတိပေးတာကို သူတို့ နားမထောင်ခဲ့ဘူး။ သူတို့တွေဆောက်တဲ့ ရေကာတာကြောင့် လူပေါင်း သုံးသောင်း သေဆုံးခဲ့ပြီးပြီ။ မိုးမျှော်တိုက်ကြီးတွေဘေးက ခမ်းခြောက်တိမ်ကောနေတဲ့ မြစ်တွေ ရေချိုကန်တွေ၊ မြေတွေကျွံလို့ နစ်ဝင်သွားတဲ့ မြို့ကြီးတွေ၊ အက်စစ်ရေတွေ၊ ပျောက်ဆုံးသွားတဲ့ ရှားပါးတိရစ္ဆာန်တွေဟာ.. တိုးတက်ခြင်းရဲ့ ပြယုဒ်တွေတဲ့လား….။

ရေတွေခမ်းသွားလို့ မြေပက်ကြားအက်တွေဖြစ်၊ မြေတွေဟာ ရေတိုက်စားခြင်းခံရ၊ စပါးစိုက်စရာမြေမရှိ… အက်စစ်ရေတွေထဲမှာလည်း ဘယ်ငါးမှ မရှိလို့ ကြံရာမရဖြစ်နေရှာတဲ့ ယန်စီမြစ်ကမ်းနဖူးပေါ်က တံငါသည် တစ်ဦး
တရုတ်ပြည် Jiangxi ပြည်နယ်က စိမ်းစိုခဲ့တဲ့ Poyang ရေကန်ထဲကို ရေတွေ မ၀င်တော့လို့ ပက်ကြားအက်နေတဲ့ မြေပြင်ပေါ်မှာ ငေးမောနေတဲ့ လူတစ်ယောက်။ November 26, 2010.- The water level of the largest freshwater lake in China has fallen to dangerous limits due to severe droughts since this summer.

ယန်စီမြစ်ရေခမ်းခြင်းဟာ အနီးအနားပတ်ဝန်းကျင်က မြစ်စွယ်ပေါင်း ၃၀၀ နီးပါးနဲ့ ရေကန် ၂၆၆ ကန်ကိုလည်း ဒိုမီနိုeffect လို ဆက်ဆက်ပြီး ခမ်းခြောက်စေပါတယ်။

၂၀၀ဂ ခုနှစ်မှာ လှုပ်သွားတဲ့ ငလျှင်ကြီးဟာ Zipingpu Damကြောင့်ဖြစ်ရတာလို့ပြောနေတဲ့ သိပံ္ပပညာရှင်တွေရဲ့ စကားတွေကို နားပိတ်ထားကြတယ်။ ဘရာဇီး၊ ကနေဒါနဲ့ အမေရိကန်နိုင်ငံတွေမှာတောင် သမိုင်းတစ်လျှောက်လုံး ၇၅GW မှ ၈၅GW ရေပါဝါထုတ်တဲ့ အချိန်မှာ တရုတ်ပြည်ကတော့ လာမယ့် ငါးနှစ်အတွင်းမှာ ၁၄၀GW ထပ်ထုတ်ပါဦးမယ်။

ဒီလို… တိုးတက်ခြင်းတွေရဲ့နောက်မှာ ပေးဆပ်မှုတွေ ဘယ်လောက်ရှိသလဲ…. ဘယ်လောက်ဆက်ရှိလာမလဲ…. ဆိုတာကို မစဉ်းစား နိုင်ကြလောက်အောင် လောဘတွေ ယှဉ်ပြိုင်လိုမှုတွေနဲ့.. အမိုက်မှောင်ဖုံးနေခဲ့တယ်။

ခြောက်သွေ့နေပြီဖြစ်တဲ့ Hubei ပြည်နယ်ထဲက Honghu ရေကန်ထဲမှာ သေဆုံးနေတဲ့ ငါးတွေပါ။ (May 20, 2011) The Yangtze River, China’s longest, has been plagued by a severe drought, with the lowest level of rainfall this year since 1961, an official with the river’s flood control and drought relief headquarters said Monday, Xinhua News Agency reported. Picture taken May 20, 2011. REUTERS/Stringer (CHINA – Tags: ENVIRONMENT ANIMALS)
တရုတ်ပြည်အရှေ့ဘက်ပိုင်း ၊ Jiangxi ပြည်နယ်က Poyang ကန် ဟာ တရုတ်ပြည်ရဲ့အကြီးဆုံး ရေ၀င်/ရေထွက်ကန်ကြီးပါ။ အခုဆိုရင် ကန်ထဲမှာ ရေဟာ ၁၀ပုံ ၁ပုံပဲ ကျန်ပါတော့တယ်။ မကြာခင်မှာ တရုတ်ပြည်ရဲ့ အကြီးဆုံး ဒီရေကန်ကြီးဟာ ဒဏ္ဍာရီ စာရင်းထဲ ၀င်တော့မှာ ဖြစ်ပါတယ်။
တရုပ်ပြည်အလယ်ပိုင်း Hubei ပြည်နယ်ရဲ့ Hanjiang မြစ်ကမ်းပါးပေါ်မှာ ရေရှာမရတော့လို့ သေဆုံးရတဲ့ သတ္တ၀ါတွေများစွာထဲက တစ်ကောင် (May 19, 2011) Hanjiang မြစ်လက်တက်ဟာ ယန်စီရဲ့ မြောက်မြားလှစွာသော ခမ်းခြောက်မြစ်လက်တက်ထဲက တစ်ခုဖြစ်ပါတယ်။ [Photo/Xinhua]
သူတို့ ယန်စီကို အားပါးတရ ခြေတော်တင်ပြီးပြီ။ ယန်စီတင်မက သူတို့တိုင်းပြည်ထဲက အခရာမြစ်ကြီး ခြောက်မြစ်ကိုလည်း ခြေတော်တင်ခဲ့ပြီးပြီ။ သူတို့ပြည်ထဲက ရှိသမျှ မြစ်တွေကို ခြေတော်တင်လို့ အားရတော့….. သူတို့ရဲ့ စီးပွားရေး ယန္တရားတွေ ဆက်လက်လည်ပတ်ဖို့အတွက်.. concrete junk ကြီးတွေကို လျှပ်စစ်ပေးဖို့.. အသွေးအသားစုတ်ထုတ်ဖို့ မြစ်မကြီးတွေကို တွေ့လိုတွေ့ငြား.. ပတ်ဝန်းကျင်ကို လှည့်လည်ကြည့်လိုက်တယ်။သူတို့ တွေ့သွားတယ်။တိုင်းပြည်သေးသေးလေးတစ်ခုထဲက မြစ်တစ်စင်းဖြစ်တဲ့ ဧရာဝတီ ကို သူတို့ တွေ့သွားတယ်။ အဲဒီတိုင်းပြည်ဟာ ဟိုးတုန်းကပေါ့.. လျှမ်းလျှမ်းတောက် ဆန်ရေစပါးတွေ ထွက်ခဲ့လို့ ဘေးပတ်ဝန်းကျင်က နိုင်ငံတွေကတောင် အားကျမျှော်ကိုးခဲ့ရတဲ့ တိုင်းပြည်။ အဲသလို.. ဆန်ရေစပါးတွေ ပြောင်းပဲသီးနှံတွေ အလျှံပယ်ထွက်အောင် ဓာတ်သတ္တိအမျိုးမျိုးကို တစ်ပြည်လုံးနှံ့အောင် သယ်ဆောင်ပေးနေတဲ့ ဧရာဝတီ ဆိုတဲ့ သွေးကြောမကြီးကို ဖောက်ထုတ်ပြီး တစိမ့်စိမ့်ယိုစီးလာမယ့် သွေးတွေကို စိမ်ပြေနပြေသောက်ချင်လွန်းလို့ သူတို့တွေဟာ…. သွားရေတများများနဲ့ ထိန်းမနိုင်သိမ်းမရ ဖြစ်နေခဲ့တာ ကြာပါပြီ။

ဧရာဝတီ ရဲ့ မျိုးပြုန်းလုနီး လင်းပိုင်များ

သူတို့ဟာ..  ဧရာဝတီ ကို ခြေတော်တင်ဖို့   ပြုံးပြုံးကြီး ရှုစားနေကြပြီ။ ကျေနပ်လွန်းလို့ အော်ဟစ်ရယ်မောနေသံတွေဟာ မကောင်းဆိုးဝါးတွေရဲ့ ရယ်သံတွေလိုပဲ  မေခ၊ မေလိခ တောင်နံရံတွေပေါ်မှာ ပဲ့တင်ထပ် ရိုက်ခတ်နေကြတယ်…..အဲဒီတိုင်းပြည်ကလေးဟာ …အတွေးအခေါ်… ယဉ်ကျေးမှု တစ်ဖြည်းဖြည်း ၀ါးမျိုခံနေရတယ်……အဲသလို… အမျိုခံနေရတန်းလန်းမှာတောင် မျိုနေတဲ့ သူတွေကို အထင်ကြီးစွာ မော့ကြည့်နေရရှာတယ်။

အဲဒီတိုင်းပြည်ကလေးဟာ….

အရှင်လတ်လတ် ဂုတ်သွေးစုတ်ခံနေရတယ်…

ဂုတ်ကို သွေးစုတ်ခံနေရတာတောင်…  သွေးသံရဲရဲ သွားစွယ်ကြီးတွေကို မော့ငေးရင်း..

“တော်လိုက်တဲ့ စီးပွားရေးသမားတွေ”ဆိုပြီး တဖွဖွ ချီးကျူးနေလိုက်ကြသေးတယ်။

သူတို့ဟာ…တိုင်းပြည်ကို စိမ်ပြေနပြေ မျိုလို့ အားမရတော့…

တိုင်းပြည်ရဲ့ သွေးကြောမကြီးကိုဖြတ်တောက်..  အစိမ်းလိုက် သောက်..

အောင်သေအောင်သား စားကြတော့မယ်။

ဒါကို…. လည်စင်းခံပေးရင်း

ကျေကျေနပ်နပ်ကြီးနဲ့ … သွေး အသောက်ခံနေကြသူတွေကို……

ဘယ်လို နားလည်ရမှာလဲ….

လူတွေဟာ… သဘာဝတရားကို အတင်းအဓ္ဒ္ဒမ လုယူတတ်ကြတယ်။

အဲသလို.. အလုယူခံရတဲ့ သဘာဝတရားဟာ တန်ပြန်တုံ့ပြန်တဲ့ အခါမှာ..

လူသားတွေပဲ  နစ်နာဆုံးရှုံးကြရတတ်ပါတယ်။

သူတို့တွေရဲ့ ဂုတ်သွေးစုတ်ခံနေရခြင်းမှ…. တိုင်းပြည်အုပ်ချုပ်မင်းလုပ်သူများ ရုန်းထွက်နိုင်ဖို့ …  ရှိရှိသမျှသောနတ်ကောင်းနတ်မြတ်များ စောင့်ရှောက်ပါစေတော့ .. လို့…..

ဧရာဝတီ ဟာ ငိုကြွေးရင်း တောင်းပန်နေပါတော့တယ်။

(( ကျမဟာ ဘူမိဗေဒပညာရှင်တစ်ယောက်တော့ မဟုတ်ပါဘူး။ ဒါပေမယ့် ဒီစာကို မြန်မာပြည်သူတစ်ယောက်အနေနဲ့ စာတွေအများကြီးဖတ်ပြီးတဲ့နောက်… နှလုံးသားနဲ့ ရေးပါတယ်။ တရုတ်ပြည်မှာ သူတို့ဖျက်ဆီးစရာ မြစ်ချောင်းတွေအများကြီး ရှိပါတယ်။ ကျမတို့တိုင်းပြည်မှာ.. ဟိုဘက်ထိပ်ကနေ ဒီဘက်ထိပ်ကို စီးတာ.. ဒီမြစ်ကလေးပဲ … ရှိပါတယ်။

တစ်နေ့မှာ…
နောင်လာနောက်သားတွေဟာ..
ဒီနေရာမှာ…
ဧရာဝတီ ဆိုတဲ့ မြစ်ကြီးတစ်စင်း ရှိခဲ့ဖူးတယ်…
မြန်မာဆိုတဲ့ လူမျိုးတွေ နေခဲ့ဖူးတယ်…
ဆိုပြီး….
ဒဏ္ဍာရီဆန်ဆန် ပုံပြင်တွေ ပြောကြတော့မှာမျိုး မဖြစ်ပါစေနဲ့လို့ဘဲ …. ဆုတောင်းရတော့မလို ဖြစ်နေရပါပြီ ))

စာရေးလို့အပြီး..
ခေါင်းစဉ်တပ်လို့အပြီးမှာ..
မျက်ရည်ကျပါတယ် ဧရာဝတီ။

(အိမ့်ချမ်းမြေ့)

http://articlesofinterest-kelley.blogspot.com/2011/05/china-drought-affects-35-million-people.html
http://www.trust.org/alertnet/multimedia/pictures/detail.dot?mediaInode=48161642-795e-4b29-9800-566b78ca70a8
http://english.peopledaily.com.cn/90001/90776/90882/7397337.html
http://www.itsnature.org/sea/aquatic-mammals/irrawaddy-dolphin/
http://ipsnews.net/mekong/stories/dolphins.html

Advertisements

မိုးရေထဲဝယ် ကကြမယ်


အလုပ်ရှုပ်တဲ့တစ်မနက် ၊ (၈) နာရီခွဲလောက်မှာ အသက်ရှစ်ဆယ်ကျော် အဘိုးအိုတစ်ယောက် သူ့လက်မက ချုပ်ရိုးဖြည်ဖို့ ရောက်လာတယ်။
၉း၀၀ နာရီလောက်မှာ ချိန်းထားတာ တစ်ခုရှိလို့ အလျင်လိုနေကြောင်း ပြောတယ် ။
သူရဲ့ အရေးတကြီးဖြစ်နေတဲ့ အခြေအနေကိုကြည့်ပြီး ထိုင်ခုံမှာ ထိုင်ခိုင်းလိုက်တယ် ။ တစ်ယောက်ယောက်က သူ့ကို မတွေ့ခင်အထိ တစ်နာရီကျော်လောက် ကြာမှာ သိနေတယ်။
သူ နာရီတကြည့်ကြည့်ဖြစ်နေတာကိုမြင်ပြီး င့ါမှာလည်း နောက်လူနာ မရှိတော့တာမို့ သူ့အနာကို ကြည့်ပေးဖို့ ဆုံးဖြတ်လိုက်တယ်။
စစ်ဆေးကြည့်ရာမှာ အနာက ကောင်းကောင်းကျက်နေပြီ။ ဒါနဲ့ ဆရာဝန်တစ်ယောက်ကိုခေါ် ၊ ချုပ်ရိုးဖြည်ဖို့ လိုတာတွေ ယူလာခိုင်းပြီး သူ့အနာကို ပြန်စည်းပေးလိုက်တယ် ။ သူ့အနာကို ဂရုတစိုက်လုပ်ပေးရင်း ဒီလောက်လောနေရအောင် တခြားဆရာဝန်တစ်ယောက်နဲ့ ချိနးထားတာများ ရှိနေသလားလို့ မေးကြည့်တယ်။
အဘိ်ုးအိုက မရှိပါဘူးလို့ပြောတယ်။ ဘိုးဘွားရိပ်သာကိုသွားပြီး သူ့မိန်းမနဲ့ မနက်စာ သွားစားဖို့ပဲ ရှိပါတယ်တဲ့။
သူ့မိန်းမရဲ့ ကျန်းမာရေးကို သတင်းမေးတော့ သူမ အဲဒီကိုရောက်နေတာ သိပ်မကြာသေးပါဘူးတဲ့ ။ သူမဟာ အယ်လ်ဇိုင်းမားရောဂါ ခံစားနေရသူ ဖြစ်တယ်လို့လည်း ပြောပါတယ် ။
အံ့အားသင့်သွားပြီး မေးကြည့်လိုက်တယ် ။

“အဘိုးဘယ်သူလဲဆိုတာ အဘွားက မသိတာတောင်မှ ဘာလို့ အဘိုးက မနက်ခင်းတိုင်းသွားနေတာလဲဟင်”

“သူမကတော့ ငါဘယ်သူလဲဆိုတာ မသိတော့ဘူးပေါ။ ဒါပေမယ့် သူမ ဘယ်သူဆိုတာ ငါက သိနေသေးတာကိုး”

သူပြန်သွားချိန်မှာ မျက်ရည်ထိန်းထားရပါတယ်။
လက်မောင်းမှာ ကြက်သီးမွေးညင်းထရင်း တွေးလိုက်မိပါတယ်။ “ဒါဟာ င့ါဘ၀မှာ လိုချင်နေတဲ့ ချစ်မေတ္တာအမျိုးအစားပဲ”
အချစ်စစ် အချစ်မှန်ဆိုတာ ကိုယ်ခန္ဓာမဟုတ်သလို ချစ်ရေး ချစ်ရာလည်း မဟုတ်ဘူး။ ဖြစ်ခဲ့တာ ၊ ဖြစ်လာမှာ ၊ မဖြစ်လာမှာ အားလုံးကို သည်းခံခွင့်ပြုတာဖြစ်ပါတယ် ။

အပျော်ဆုံးလူဆိုတာ အရာရာ အကောင်းဆုံးတွေ ရှိနေဖို့ မလိုအပ်ပါဘူး ။ သူတို့ဆီမှာ ရှိနေတာတွေကို အကောင်းဆုံးဖြစ်အောင် လုပ်နေသူတွေသာ ဖြစ်ပါတယ် ။

ဘ၀ဆိုတာ မုန်တိုင်းကို ဘယ်လိုလွန်မြောက်ရမယ်ဆိုတာ မဟုတ်ပါဘူး ။ မိုးရေထဲမှာ ဘယ်လို ကခုန်ရမယ် ဆိုတာပဲ ဖြစ်ပါတယ်။

Light မဂ္ဂဇင်းထဲက မျိုးကိုကို ရဲ့ရသစာကို ပြန်လည်မျှဝေခြင်း ဖြစ်ပါသည်…. စာရိုက်ပေးတဲ့ မိုးထက်အိမ်ကို ကျေးဇူးအများကြီးတင်ပါတယ်။

ကျွန်တော်မှာ ကံတရားကမျက်နှာသာပေးခဲ့ရင်တော့ ဒီလိုချစ်ခြင်းမျိုးကိုမျှော်လင့်နေမိပါတယ်။

(ချစ်ခြင်း..မချစ်ခြင်းကို ပိုင်ဆိုင်ခြင်း..မပိုင်ဆိုင်ခြင်းနဲ့ တိုင်းတာလို့မရပါဘူး…. ရင်ထဲမှာမြတ်နိူးစွာ.. ထာဝရရှိနေခြင်းက. အဓိကပါ……..)

တစ်နေ့မှာ ပျော်ရွှင်ခြင်းက ဘယ်မှာလဲလို့ နင်မေးလာခဲ့ရင် ပျော်ရွှင်ခြင်းက လေထဲမှာလို့ နင့်ကိုငါ တိုးတိုးလေးပြောပြမယ်။

နင်ရှုရှိုက်လိုက်တဲ့ လေတိုင်းမှာ နင့်ကိုငါပေးမယ့် ပျော်ရွှင်ခြင်းတွေ ပါဝင်နေခဲ့တယ်။

သံစဉ်မဲ့သော ကဗျာတပုဒ်


သိမှ ပိုခင်
မြင်မှ ပိုတမ်း
လွမ်းမှ ပိုတ
ဘ၀နွေလို
သူ…မဆိုခင်

ပိုတယ်လို့ထင်
တလွဲမြင်၍
တမင်ပြစ်ဆို
စိတ်ဆိုးငြိုငြင်
နွေ၏ရင်ခွင်လို
သူ..မဆိုခင်

မသိခင်…ခင်
မမြင်ခင်…တမ်း
မလွမ်းခင်…တ
သည်ဘ၀ထဲ
ရက်စွဲမရှိ
သတိရချင်…

ဝေဟင်ပေါ်က သံစဉ်


ဝေဟင်ပေါ်က သံစဉ်

ဝေဟင်ပေါ်က သံစဉ်

ဘ၀က
မြစ်တစ်စင်းလို စီးဆင်းနေပြီး
ဆန္ဒတွေက တိမ်တွေလို
လေနှင်ရာ လွင့်မျောနေခဲ့တယ်။
လွမ်းတိုင်းမျက်ရည်မကျပေမယ့်
သတိရတိုင်း မျက်ရည်ဝိုင်းခဲ့ရတယ်
မတူညီတဲ့ သံယောဇဉ်နှစ်ခုကြားမှာ
အလွမ်းတွေက ခါးသက်ခဲ့ပေမယ့်
သတိရခြင်းတေးကို သီဆိုလို့
ပန်းတိုင်ရောက်ဖို့အရေး
ခရီးဝေးကို ပျံသန်းရဦးမယ်။

လက်ထပ်ခြင်းအနုပညာ


သီတင်းလည်းကျွတ်ပြီ။ ရေးချင်တာတွေက အများကြီး။ လက်တွေ့မှာတော့ ဘာမှမရေးနိုင်။ စိတ်ကူးထဲမှာ ရေးနေတာကတော့ ပို့စ်တွေက မရေတွက်နိုင်တော့ဘူး။ ရေးစရာ အကြွေးတွေကလည်း မနည်းမနော….

အခုလည်း သီတင်းကျွတ်အတွက် သီးသန့်ရေးမယ်လို့စဉ်းစားထားပေမယ့် တစ်ကယ်တော့ မရေးနိုင်ခဲ့ဘူး။ ဒီတော့ မနှစ်က တင်ထားတဲ့ ပို့စ်လေးပဲ ပြန်တင်ပေးလိုက်တယ်။ မဖတ်ရသေးတဲ့ သူတွေ ပြန်ဖတ်နိုင်အောင်လို့ပါ။

———————————

အပြောကျယ်တဲ့ လောကအလယ်မှာ သူသူငါငါ သွားလာလှုပ်ရှားရင်း မောပန်းတဲ့အခါ ဘယ်အရိပ်မှာခိုလို့ ဘယ်လိုအားအင် တွေယူရမှာလဲ။ လောကရဲ့ အခက်အခဲ ကျော်ဖြတ်ရတဲ့အခါ တစ်ဦးတည်း တစ်ယောက်တည်း ကျော်ဖြတ်ရသည်ထက် အဖော်မွန် တစ်ယောက်နှင့်အတူ ကျော်ဖြတ်ရသည်က လူဘ၀တစ်ခုအတွက် ပိုလို့ အားအင်တွေတိုးပွားစေသည်လို့  ကျွန်တော်ကတော့ ယုံကြည်မိသည်။

တစ်ယောက်တည်းနေလို့ အခက်အခဲ အပူအပင်တွေ လျော့နည်းသွားမည်လို့  ကျွန်တော်တော့မထင်ပါ။ နှစ်ယောက် အတူတူနေလို့ လည်း အခက်အခဲ အပူအပင်တွေ လျော့နည်းသွားမည်လို့  ကျွန်တော်တော့မထင်ပါ။ လူရယ်လို့ ဖြစ်လာကတည်းက အခက်အခဲ၊ အပူအပင်တွေက ပါလာစမြဲ၊ ရှိစမြဲ ပါပဲ။ ဘယ်နေရာမှာနေနေ၊ ဘယ်သူနဲ့ နေနေ အပူမဲ့စွာ မနေရပါဘူး။ ဒါပေမယ့် အရေးကြုံလို့  အနားလှည့်ကြည့်တဲ့အခါ နားလည်စွာကိုယ့်လက်ကိုဆုပ်ကိုင်ရင်း အားအင်တွေ ပေးမည့်သူရှိတော့ ပင်ပန်းသမျှ အမောပြေသလို၊ ရှေ့  လျှောက်ရမယ့်ခရီးလမ်း အတွက်လည်း အားအင်တွေ ဖြစ်စေနိုင်တယ်လို့ ကျွန်တော်ကတော့ယုံကြည်မိသည်။

ဒီအခက်အခဲ ဒီအပူတွေ ဘယ်ရင်မှာ နားခိုပြီးဖြေသိမ့်ရမလဲလို့  – မေးလာခဲ့ရင် သေချာစွာဖြေဆိုနိုင်သူတွေရှိသလို၊ ယောင်ယောင်ဝါးဝါးနဲ့  ပြေးရှောင် သွားတာတွေလည်း မနည်းလှပါဘူး။ ဒီရင်မှာခိုလို့ ၊ဒီအရပ်မှာပျော်မယ်လို့ အသေအချာပြောနိုင်ရင် အဲဒီလူ့ မှာ မျှော်လင့်ချက် တစ်ခုတော့ရှိရမယ်။ ဒီမျှော်လင့်ချက်ကတော့ ချစ်ခြင်းမေတ္တာပါပဲ။ ချစ်ခြင်းမေတ္တာဆိုတာ နူးညံ့လွန်းလို့ ၊ သိမ်မွေ့ လွန်းလို့ - ယုယဖို့ သေချာဖို့  နေ့ ရက်များစွာ ရှင်သန်နိုင်စေဖို့  နေရာတစ်ခုမှာ ကျွန်တော်ပြုစုပျိုးထောင်ရပါတယ်။ အဲဒီနေရာလေးကို “အိမ်” လို့ ခေါ်ပါတယ်။

.

.

.

လောကမှာ ကျောချစရာ နားခိုဖို့ ရာ အများသားဆိုပေမယ့် ဘ၀တစ်ခု တည်ငြိမ်မှုအတွက် ခိုင်မြဲမှုကိုပေးနိုင်တာ “အိမ်” ဆိုတာပါပဲ။

အိမ်ရယ်လို့ ဖြစ်လာဖို့  အဆောက်အဦးတည်ဆောက်မှုအပြီးမှာ ချစ်ခြင်းမေတ္တာဖြင့် လွမ်းခြုံပေးမှ “အိမ်” ရယ်လို့ သတ်မှတ်လို့ ရတာပါ။ ချစ်ခြင်းမေတ္တာ မလွှမ်းခြုံနိုင်သမျှ သာမန်အဆောက်အဦးမျှသာလို့  လောက၀န်းကျင်မှာ သတ်မှတ်ထားတာပါ။ ဒီလိုနဲ့ ပဲ ချစ်ခြင်းမေတ္တာကို ရှင်သန်စေဖို့ ၊ ချစ်ခြင်းမေတ္တာကို ယုယဖို့ ၊ ချစ်ခြင်းမေတ္တာကို သေချာဖို့  အိမ်ယာတစ်ခု တည်ထောင်ကြတော့မှာပေါ့။

.

.

.

ဘယ်သူနဲ့  လဲ လို့ မေးလာခဲ့ရင်
. . . . .စိတ်တူ၊ကိုယ်တူချစ်တဲ့သူနဲ့ ပေါ့။

.

.

.

ကျွန်တော်ချစ်သောသူအတွက် ရည်ရွယ်ပြီး မျှော်လင့်ချက်များစွာ၊ တည်ဆောက်ခြင်းများစွာနှင့် ဒီစာကို ရေးခဲ့ပါတယ်။

……………………………………..

သီတင်းကျွတ်ပြီဆိုတော့ . . .
မင်္ဂလာရက်မြတ်လက်ထက်မည့်သူတွေ ပျော်ရွှင်နိုင်ပါစေ..

Peace


September 11 Attacks

September 11 Attacks

ဒီနေ့ စက်တင်ဘာ (၁၁) ရက် …

(၈) နှစ်ကျော် ကြာခဲ့ပေမယ့် .. လူတိုင်းရင်မှာ မမေ့နိုင်သေး….

အမေရိကန်နိုင်ငံ ကုန်သွယ်မှုဗဟိုအမွှာ အဆောက်အဦးကို အကြမ်းဖက်တိုက်ခိုက်ပြီး လူပေါင်းများသေကြေပျက်ဆီးခဲ့ရသော ကြေကွဲဖွယ် အဖြစ်ဆိုး…

ဘယ်တော့များမှ အကြမ်းဖက်မှုတွေ ကုန်ဆုံးမှာလဲ.. ငြိမ်းချမ်းရေးဆိုတာ ဘာလဲ.. ပါးစပ်ကနေ ငြိမ်းချမ်းရေးလို့ ပြောပြီး နောက်ကွယ်ကနေ လူသတ်လက်နက်တွေထုတ်လုပ်နေကြတယ်။ ဒီလက်နက်တွေထုတ်လုပ်ဖို့ အတွက် သန်းပေါင်းများစွာသော ငွေကြေးတွေအကုန်အကျခံပြီ ထုတ်လုပ်နေတာ ငြိမ်းချမ်းရေးအတွက်လား…. လူသားတွေမျိုးပြုတ်ဖို့လား… ဒီလိုကုန်ကြမယ့် ငွေကြေးတွေကို လိုအပ်တဲ့နေရာ.. ဆင်းရဲ မွဲတေနေတဲ့ နေရာတွေမှာအသုံးပြုလိုက်ရင် ဘယ်လောက်များကောင်းမလဲ… လက်နက်နဲ့ ငြိမ်းချမ်းရေးလုပ်မယ့်အစား မေတ္တာနဲ့ ငြိမ်းချမ်းရေးကို ပြောင်းလဲလိုက်ရင် ဘယ်လောက်များကောင်းမလဲ…..

ဘယ်တော့များမှ အေးချမ်းကြမှာလဲ …

ဘယ်တော့များမှ ငြိမ်းချမ်းကြမှာလဲ …

ဘယ်တော့များမှ ညဘက်အေးအေးချမ်းချမ်း အိပ်ရမှာလဲ….

ဘယ်တော့များမှ လက်နက်စက်ရုံတွေကနေ ပေါင်မုန့်ဖုတ်တဲ့ စက်ဖြစ်လာမှာလဲ …

ဘယ်တော့များမှ လက်နက်ကိုင်တဲ့လက်တွေကနေ နွေးထွေးတဲ့ လက်တစုံ ဖြစ်လာမှာလဲ…

ဘယ်တော့များမှ…….

ဘယ်တော့များမှ……

ဘယ်တော့များမှ…..

peace

Mystifying beauty
Captivating dreams
Never-ending rainbows
A world so full of dreams

These are misled thoughts
Our world is not like this
Hate has scoured our minds
Hate will cause our deaths

Looking to the future
Right now seem very bleak
War is now an issue
Peace is for the meek

Ignorance of man
To look beyond ones faults
Has caused a misconception
Of others like ourselves

A join of hand and heart and will
Would put and end to this
The same value placed on others
Like we place upon ourselves
Would end the hate and violence
That’s tearing out our hearts

When this is done
Our world’s complete
The pain and hardship gone
And once again, just like before
Peace will lead us on

+++++++++++++++++++++++++

ငြိမ်းချမ်းရေးကို လိုလားတယ်ဆိုရင်ဖြင့်… ဘယ်ဘက်အောက်ဆုံးမှာရှိတဲ့ ဗီဒီယိုဖိုင်လေးကို ကြည့်သွားပါဦးနော်…..